உலக அளவில் கொரோனா பாதித்தவர்கள் எண்ணிக்கை

சீனாவின் உகான் நகரில் கடந்த 2019- ஆம் ஆண்டு இறுதியில் முதன் முதலாக வெளிப்பட்ட கொரோனா வைரஸ் உலகம் முழுவதும் வியாபித்துவிட்டது. தொற்று பரவத்தொடங்கி இரண்டு ஆண்டுகள் நெருங்கிவிட்ட நிலையிலும் தொற்று பாதிப்பு முழுமையாக கட்டுக்குள் வரவில்லை. தடுப்பூசிகள் போடப்பட்டு வந்தாலும்  கொரோனா வைரஸ்  பரவல் முழுமையாக கட்டுக்குள் வந்தபாடில்லை.

இந்த நிலையில், உலகம் முழுவதும் கொரோனா பாதித்தவர்கள் எண்ணிக்கை 24 கோடியைக் கடந்துள்ளது. கொரோனா பாதிப்பில் இருந்து இதுவரை 21.76 கோடிக்கும் அதிகமானோர் குணமடைந்துள்ளனர். கொரோனா வைரஸ் பரவலால் இதுவரை 48.96 லட்சத்துக்கும் மேற்பட்டோர் உயிரிழந்துள்ளனர். கொரோனா வைரஸ் பரவியவர்களில் 1.77 கோடிக்கும் அதிகமானோர் சிகிச்சை பெற்று வருகின்றனர். சிகிச்சை பெறுபவர்களில் 81 ஆயிரத்துக்கு மேற்பட்டோரின் நிலைமை கவலைக்கிடமாக உள்ளது.

Comments are closed.